Subukin Mo Ito Basahin at paghambingin ang mga sitwasyon sa ibaba.
1.
Malapit na ang halalan at ang mga kasapi ng Organisasyon Para sa
Bayan ay nagdedebate kung sinong kandidato sa pagka-alkalde ang
kanilang susuportahan. Ang ilang mga kasapi ay nais magbigay suporta
kay G. Fidel Gutierrez samantalang ang
ilan ay nais magbigay suporta
kay G. Leandro Megado.
2.
Si Henry at Farah ay malimit magtalo kung paano nila dapat
disiplinahin ang kanilang mga anak. Ayaw ni Henry na paluin ang
kanilang mga anak samantalang nararamdaman ni Farrah na ang
kaunting pagpalo ay hindi naman makasasakit sa kanila.
Paghambingin ang dalawang pagsasalungatan.
Sa unang sitwasyon, mayroong pagsasalungatan sa loob ng organisasyon
samantalang sa pangalawa, mayroong pagsasalungatan sa pagitan ng mag-asawa.
Ang unang sitwasyon ay tumatalakay sa pagsasalungatan sa pagitan ng isang grupo,
samantalang ang pangalawa ay tumatalakay sa tao-sa-taong pagsasalungatan.
Magpatuloy sa pagbabasa upang maparami pa ang kaalaman tungkol dito at
sa iba pang uri ng pagsasalungatan.